இலங்கைக்கான கனேடிய உயர் ஸ்தானிகர் இசபெல் மார்ட்டின் (Isabelle Martin) மற்றும் கனேடிய உயர் ஸ்தானிகராலயத்தின் அரசியல் மற்றும் வர்த்தக ஆலோசகர் குவென் டெம்மல் (Gwen Temmel) ஆகியோரை வெகுசன ஊடக பிரதி அமைச்சர் கலாநிதி கௌசல்யா ஆரியரத்ன சந்தித்து கலந்துரையாடியுள்ளார்.
இதன்போது, இலங்கை தபால் சேவையின் வளர்ச்சி மற்றும் நவீனமயமாக்கலுக்காக கனேடிய தபால் சேவையின் தொழில்நுட்ப உதவிகளைப் பெற்றுக்கொள்வதற்கான சாத்தியக்கூறுகள் தொடர்பில் விரிவாக கலந்துரையாடப்பட்டுள்ளது.
அதேவேளை, செயற்கை நுண்ணறிவு (AI) பயன்பாடு உள்ளிட்ட ஊடகத் துறையில் உருவாகி வரும் புதிய போக்குகள் குறித்தும் இருதரப்பினரும் கருத்துகளைப் பரிமாறிக்கொண்டுள்ளனர்.
இலங்கை–கனடா இடையிலான தொழில்நுட்ப மற்றும் ஊடகத்துறை ஒத்துழைப்பை மேலும் வலுப்படுத்துவதற்கான வாய்ப்புகள் குறித்தும் இந்தச் சந்திப்பில் கவனம் செலுத்தப்பட்டுள்ளது.
