மட்டக்களப்பு - ஏறாவூர், புன்னக்குடா வீதியில் மோட்டார் சைக்கிள் ஒன்று சிறிய ரக உழவு இயந்திரத்துடன் மோதியதில் ஏற்பட்ட விபத்தில் ஒருவர் உயிரிழந்துள்ளார்.
குறித்த விபத்தானது, நேற்று மாலை இடம்பெற்றுள்ளது.
சம்பவத்தின் போது,ஏறாவூர் - தளவாய் பிரதேசத்தை சேர்ந்த 28 வயதுடைய அஜித்குமார் என்பவரே உயிரிழந்துள்ளதாக ஏறாவூர் பொலிஸார் தெரிவித்துள்ளனர். வீதியில் மோட்டார் சைக்கிளில் வேகமாக வந்த நபர் சிறிய ரக உழவு இயந்திரத்தில் மோதியதன் காரணமாகவே இந்த விபத்து ஏற்பட்டுள்ளது.
இந்நிலையில், உயிரிழந்தவரின் சடலம் தற்போது ஏறாவூர் ஆதார வைத்தியசாலையில் வைக்கப்பட்டுள்ளதுடன் மேலதிக விசாரணைகளை ஏறாவூர் பொலிஸார் முன்னெடுத்து வருகின்றனர்.
