இலங்கையின் மதச்சுதந்திர சூழல் குறித்து அமெரிக்காவின் சர்வதேச மதச்சுதந்திர ஆணைக்குழு (USCIRF) 2024ஆம் ஆண்டுக்கான தனது ஆண்டு அறிக்கையில் முக்கியமான குறிப்பு செய்துள்ளது. மதச்சுதந்திரம் குறைந்து வருவதாகக் குறிப்பிடப்பட்டுள்ளதுடன், இதற்காக இலங்கை "சிறப்பு கண்காணிப்பு பட்டியலில்" (Special Watch List) சேர்க்கப்பட வேண்டும் என அமெரிக்க அரசுக்கு பரிந்துரை செய்யப்பட்டுள்ளது.
அமெரிக்க நாடாளுமன்றத்திற்கும் வெளியுறவு அமைச்சகத்திற்கும் USCIRF வழங்கிய பரிந்துரையில், இலங்கையின் மதச்சுதந்திர சூழல் கவலைக்கிடமான நிலையில் உள்ளதாக தெரிவிக்கப்பட்டுள்ளது. குறிப்பாக, மதஅரசியலின் தாக்கம், சமய ரீதியான நில பிரச்சினைகள் மற்றும் தேசியவாத அமைப்புகளின் தாக்கம் அதிகரித்து வருவதாகவும் கூறப்பட்டுள்ளது. அத்துடன், பௌத்த சமயத்துறைகள் திணைக்களம் மற்றும் கலாச்சார அமைச்சுடன் மத நிறுவனங்களின் நில உரிமை பிரச்சினைகள் தொடர்பாக கலந்துரையாடல் நடத்த வேண்டும் என்றும் பரிந்துரை செய்யப்பட்டுள்ளது. மேலும், இலங்கையின் பயங்கரவாத எதிர்ப்பு சட்டத்தில் உள்ள குழப்பங்களைத் தீர்ப்பதற்கும், பயங்கரவாதத்தை வரையறுக்கும் சட்டச் சூழலை தெளிவுபடுத்துவதற்கும் USCIRF வலியுறுத்தியுள்ளது. இந்த அறிக்கையில், குறிப்பாக முஸ்லிம் மதவழிபாட்டாளர்களை இலக்கு வைத்து மேற்கொள்ளப்பட்ட சம்பவங்கள் குறித்து விசாரணை மேற்கொள்ள வேண்டும் எனவும் அமெரிக்கா அறிவுறுத்தியுள்ளது. தேசியவாத அமைப்புகளின் செயல்பாடுகள் குறித்து சரியான கண்காணிப்பு தேவையென USCIRF வலியுறுத்துகிறது.
