ஆயுதங்களுடன் கொட்டாவ பகுதியில் இளைஞர் ஒருவர் கைது!!

 கொட்டாவ பகுதியைச் சேர்ந்த இளைஞர் ஒருவர் போதைப்பொருள் மற்றும் ஏராளமான ஆயுதங்களுடன் கொட்டாவ பொலிஸாரால் கைது செய்யப்பட்டுள்ளார்.

குறித்த சம்பவம் நேற்று முன் தினம் (28.09.2025) இடம்பெற்றுள்ளது.

சோதனை நடவடிக்கை

பொலிஸ் சிறப்பு அதிரடிப்படை (STF) நடத்திய சோதனையின் போது சந்தேகநபர் கைது செய்யப்பட்டுள்ளார்.

இதன்போது அவர் 75.4 கிராம் ஹெரோயின் வைத்திருந்ததும் கண்டுபிடிக்கப்பட்டது.

மேலும் சந்தேகநபரிடம் இருந்து 458 வெடிமருந்துகள், ஒரு T - 56 மகசின், 30 போலி வாகன எண் தகடுகள், 15 வருவாய் உரிமங்கள், 15 காப்பீட்டு ஆவணங்கள் மற்றும் இரண்டு மொபைல் போன்கள் ஆகியவற்றை பொலிஸார் கைப்பற்றியுள்ளனர்.

விசாரணை

சந்தேகநபர் மொரட்டுவை, அங்குலானாவில் வசிக்கும் 24 வயதுடையவர் என தெரியவந்துள்ளது.

சந்தேகநபர், விசாரணைக்காக மாகாண தெற்கு மாவட்ட குற்றப்பிரிவிடம் ஒப்படைக்கப்பட்டுள்ளமை குறிப்பிடத்தக்கது.