ஈரானுக்கு எதிராக ஆரம்பிக்கப்பட்டுள்ள யுத்தத்தின் முதல் வாரத்தில் மட்டும் அமெரிக்கா 11.3 பில்லியன் அமெரிக்க டொலர்களைச் செலவிட்டுள்ளதாக பென்டகன் உத்தியோகபூர்வமாக மதிப்பிட்டுள்ளது. இந்த வார முற்பகுதியில் அமெரிக்க நாடாளுமன்றத்தில் (Congress) நடைபெற்ற இரகசியக் கலந்துரையாடலின் போதே பென்டகன் அதிகாரிகள் இந்தத் தகவலை வெளியிட்டுள்ளதாகத் தெரியவருகிறது.
வார இறுதியில் எரிந்துபோன 5 பில்லியன் டொலர்கள்
யுத்தம் ஆரம்பிக்கப்பட்ட அந்த முதல் வார இறுதி நாட்களில் மட்டும், ஏவுகணைகள் மற்றும் வெடிபொருட்களுக்காக (Munitions) அமெரிக்கா 5 பில்லியன் டொலர்களைச் செலவிட்டுள்ளதாக ஏற்கனவே அறிக்கையிடப்பட்டிருந்தது. தற்போது வெளியாகியுள்ள தரவுகளின்படி, ஏனைய இராணுவச் செலவுகளையும் உள்ளடக்கி முதல் வாரத்தின் மொத்தச் செலவீனம் 11 பில்லியன் டொலர்களைக் கடந்துள்ளமை உலக நாடுகளை அதிர்ச்சியில் ஆழ்த்தியுள்ளது.
நிதியுதவிக் கோரிக்கையில் பின்னடைவு
யுத்தச் செலவுகளை ஈடுகட்டுவதற்காக மேலதிக நிதியுதவியைக் கோரும் பிரேரணையை நாடாளுமன்றத்தில் சமர்ப்பிக்க ட்ரம்ப் நிர்வாகம் முன்னர் திட்டமிட்டிருந்தது. எனினும், தற்போதைய சூழலில் அந்த முயற்சி தற்காலிகமாகக் கைவிடப்பட்டுள்ளதாகத் தெரிகிறது.
இது குறித்துக் கருத்துத் தெரிவித்துள்ள செனட் ஆயுதப் படைகள் குழுவின் (Senate Armed Services Committee) தலைவர் செனட்டர் ரோஜர் விக்கர், "இந்த மாதத்திற்குள் மேலதிக நிதியுதவிக் கோரிக்கை முன்வைக்கப்படும் என நான் எதிர்பார்க்கவில்லை" எனத் தெரிவித்துள்ளார். யுத்தச் செலவுகள் அதிகரித்துச் செல்லும் நிலையில், ட்ரம்ப் நிர்வாகம் நிதி ஒதுக்கீட்டில் பாரிய சவால்களை எதிர்கொண்டுள்ளமையையே இது காட்டுகின்றது.
#Tubetamil24X7 #Tubetamil #IranWar #USPolitics #MilitarySpending #Pentagon #GlobalEconomy #BreakingNewsTamil #Jaffna #USvsIran #WarCost #TamilNews
