அண்ணாமலையின் புதிய அரசியல் இயக்கத்திற்கு குவியும் ஆதரவு
பாஜகவில் இருந்து விலகி புதிய அரசியல் இயக்கத்தை தொடங்கிய அண்ணாமலைக்கு மக்கள் மத்தியில் பெரும் வரவேற்பு கிடைத்து வருவதாக தகவல்கள் தெரிவிக்கின்றன.
அண்ணாமலை அறிமுகப்படுத்திய "We The Leaders" உறுப்பினர் சேர்க்கை இணையதளத்தில், தொடங்கிய 10 மணி நேரத்திற்குள் 10 லட்சத்திற்கும் அதிகமானோர் இணைந்துள்ளதாக தெரிவிக்கப்பட்டுள்ளது.
பின்னர் இந்த எண்ணிக்கை தொடர்ந்து உயர்ந்து, இன்று காலை 11.46 லட்சம் உறுப்பினர்களை கடந்துள்ளதாக கூறப்படுகிறது.
தனது புதிய அரசியல் பயணத்தை அறிவித்த அண்ணாமலை, வரவிருக்கும் பொதுத்தேர்தலில் தனது இயக்கம் போட்டியிடும் என்றும் உறுதியளித்திருந்தார்.
உறுப்பினர் சேர்க்கைக்காக அறிமுகப்படுத்தப்பட்ட இணையதளம் வெளியான சில மணி நேரங்களிலேயே பெரும் வரவேற்பைப் பெற்றுள்ளது. இதையடுத்து அண்ணாமலையும் சமூக வலைத்தளத்தில் உற்சாகமான பதிவொன்றை வெளியிட்டு ஆதரவாளர்களுக்கு நன்றி தெரிவித்துள்ளதாக தகவல்கள் வெளியாகியுள்ளன.
தமிழக அரசியலில் அண்ணாமலையின் புதிய நகர்வு புதிய மாற்றத்தை உருவாக்குமா என்ற கேள்வி தற்போது பரவலாக பேசப்பட்டு வருகிறது.
