தேதி: 2 ஜூன் 2026அமெரிக்கா மற்றும் ஈரானுக்கு இடையிலான அமைதிப் பேச்சுவார்த்தைகள் முடங்கியுள்ளதாகக் கருதப்படும் நிலையில், அமெரிக்காவுடன் மீண்டும் போர் வெடிப்பது "தவிர்க்க முடியாதது" என்று ஈரானின் மூத்த ராணுவ அதிகாரி ஒருவர் செவ்வாய்க்கிழமை பகிரங்கமாக அறிவித்துள்ளார்! 
ஈரானிய அரசுத் தொலைக்காட்சியில் வெளியான இந்த ஆக்ரோஷமான அறிவிப்பின் முக்கிய விபரங்கள் இதோ: 
"போர் தவிர்க்க முடியாதது!"ஈரானின் மத்திய ராணுவக் கட்டளையகமான 'கதாம் அல்-அன்பியா' அமைப்பின் துணைத் தலைவரான முகமது ஜாபர் அசாதி இந்த அதிரடி அறிவிப்பை வெளியிட்டுள்ளார். அமெரிக்காவுடனான மோதல்கள் மீண்டும் தொடங்குவது உறுதி என்று அவர் திட்டவட்டமாகத் தெரிவித்துள்ளார். 
"அமெரிக்கா எங்களைச் சரணடையச் சொல்கிறது!"அமைதிப் பேச்சுவார்த்தைகளில் அமெரிக்காவின் நிபந்தனைகள் குறித்துக் கடுமையாக விமர்சித்த அசாதி, "அமெரிக்கா எங்களை முழுமையாகச் சரணடைய வேண்டும் (Total surrender) என்று கோருகிறது. ஆனால், ஈரானிய தேசம் ஒருபோதும் யார் காலடியிலும் சரணடையாது," என்று நெஞ்சை நிமிர்த்திக் கூறியுள்ளார். 
"சரணடையவில்லை என்றால்.. போர் தான்!"அமெரிக்காவின் நிபந்தனைகளுக்குப் பணிந்து போவதை விட, போரை எதிர்கொள்வதே ஈரானின் நிலைப்பாடு என்பதை உறுதிப்படுத்தும் விதமாக, "நாங்கள் சரணடையப் போவதில்லை; சரணடையாமல் போனால், போர் என்பது உறுதியாகத் தவிர்க்க முடியாத ஒன்று," என்று அவர் ஆணித்தரமாக எச்சரித்துள்ளார்! 
மீண்டும் பதற்றத்தில் உலக நாடுகள்!லெபனானில் ட்ரம்பின் தலையீட்டால் போர் நிறுத்தம் எட்டப்பட்டு, அமைதி திரும்பும் என்ற எதிர்பார்ப்பு நிலவிய நிலையில், ஈரானிய உயர் ராணுவ அதிகாரியின் இந்த அறிவிப்பு ஒட்டுமொத்த மிடில் ஈஸ்ட்டையும் (Middle East) மீண்டும் மாபெரும் போரின் விளிம்பிற்குக் கொண்டு சென்றுள்ளது. 
