லிந்துலையில் குளவி தாக்குதலில் ஒருவர் பலி

 லிந்துலை லெந்தோமஸ் தோட்டத்தில் குளவிக் கொட்டுக்கு இலக்காகி ஒருவர் உயிரிழந்துள்ளார். 

இந்த சம்பவத்தில் குளவி கொட்டுக்கு இலக்கான மேலும் 4 பேர் வைத்தியசாலைகளில் அனுமதிக்கப்பட்டுள்ளனர். 

அவர்கள் இன்றைய தினம் தேயிலை தோட்டத்தில் தொழிலில் ஈடுபட்டிருந்த சந்தர்ப்பத்தில் இவ்வாறு குளவி கொட்டுக்கு இலக்காகியுள்ளனர். 

உயிரிழந்தவர் லிந்துலை லெந்தோமஸ் பகுதியைச் சேர்ந்த 71 வயதுடைய ஆண் ஒருவர் என தெரியவந்துள்ளது. 

மேலும் குளவிக் கொட்டுக்கு இலக்கான 4 தொழிலாளர்கள் லிந்துலை பிரதேச வைத்தியசாலையில் அனுமதிக்கப்பட்டு சிகிச்சைப் பெற்று வருகின்றனர்.