ரஜினிகாந்த் வீட்டின் முன்புறத்தில் புதிதாக அமைக்கப்பட்ட 'பாபா' முத்திரை: ரசிகர்கள் மத்தியில் வரவேற்பு!

 நடிகர் ரஜினிகாந்தின் சென்னை போயஸ் கார்டன் இல்லத்தின் முன்புற சுவரில், அவரது அடையாளமாக திகழும் 'பாபா' முத்திரை சின்னம் புதிதாக அமைக்கப்பட்டுள்ளது.

2002-ஆம் ஆண்டு வெளியான 'பாபா' திரைப்படத்தின் மூலம் மிகவும் பிரபலமடைந்த இந்த அபான முத்திரை (Apana Mudra) சின்னம், ரஜினிகாந்தின் ஆன்மீக அடையாளமாகவும் ரசிகர்களின் விருப்பமான குறியீடாகவும் இருந்து வருகிறது.

தற்போது அவரது வீட்டின் நுழைவு வாயிலின் முகப்பில் பெரிய அளவிலான இந்த 'பாபா' முத்திரை பொறிக்கப்பட்டுள்ள நிழற்படம் சமூக வலைத்தளங்களில் வெளியாகி வைரலாகி வருகிறது.

இந்த புதிய மாற்றம் ரஜினிகாந்தின் ரசிகர்கள் மற்றும் இணையவாசிகளிடையே பெரும் வரவேற்பையும் கவனத்தையும் பெற்றுள்ளது.