மாநகரம், கைதி, மாஸ்டர், விக்ரம், லியோ போன்ற ஹிட் படங்களை இயக்கி மிழ் சினிமாவில் முன்னணி இயக்குனர்களில் ஒருவராக வலம் வருபவர் லோகேஷ் கனகராஜ் ஆவார்.
இவர் தற்போது ரஜினிகாந்தின் 171-வது படமான 'கூலி' படத்தை இயக்கி வருகிறார். 'லோகேஷ் கனகராஜ் சினிமாட்டிக் யுனிவர்ஸ்' அதாவது எல்சியு என்ற ஒரு கான்செப்ட்டை தொடங்கி அவர் இயக்கும் படங்களை அதில் சேர்த்து வருகின்றார்.
இதில், இவர் இயக்கத்தில் வெளியான கைதி, விக்ரம், லியோ போன்ற படங்கள் அடங்கும் என்பதுடன் அதை தொடர்ந்து, லிஸ்டில் லோகேஷ் தயாரிப்பில் உருவாகி வரும் 'பென்ஸ்' திரைப்படமும் இணைந்துள்ளது.
இந்நிலையில் அவர் குறித்த விடயம் தொடர்பில் மேலும் தெரிவிக்கையில், "நான் கூலி படத்திற்கு பிறகு கைதி 2 திரைப்படத்தையும் ரோலக்ஸ் திரைப்படத்தையும் இயக்க உள்ளேன். அதன் பின், விக்ரம் 2 படத்தை இயக்கவுள்ளேன். இது தான் என் இயக்கத்தில் வெளியாகும் கடைசி LCU படம் என நினைக்கிறேன்" என அவர் தெரிவித்துள்ளார்.
