தேசிய ரீதியில் இலங்கை பாடசாலைகள் சதுரங்க சம்மேளத்தினால் நடாத்தப்பட்ட சதுரங்க போட்டி ஒன்றில் யாழ்ப்பாணத்தை சேர்ந்த மாணவி ஒருவர் வெற்றிபெற்றுள்ளார்.
செல்வி கஜிஷனா தர்ஷன் என்ற ஏழு வயதான யாழ் கொக்குவில் இந்து ஆரம்ப பாடசாலை தரம் 2 மாணவியே குறித்த சாதனையை நிலைநாட்டியுள்ள த்துடன் தாய்லாந்தில் நடக்கும் ஆசிய சதுரங்க இறுதிப் போட்டியிலும் இவர் பங்குபற்றவுள்ளார்.
குறித்த போட்டியில் ஏழு வயதிற்குட்பட்ட பிரிவில் பங்கு பற்றிய இவர் தாய்லாந்தில் டிசம்பர் மாதம் நடைபெறவுள்ள ஆசிய இறுதி போட்டியில் எமது நாட்டின் official player ஆக பங்குபற்றவுள்ளார் மேலும் சேர்ஜியாவில் நடைபெறவுள்ள உலக பாடசாலைகள் சதுரங்க போட்டிகளிலும் மற்றும் Fide cadet போட்டிகளிலும் இலங்கை அணியின் உத்தியோகபூர்வ வீரராக விளையாடவுள்ளார்.
இன்று வடமாகாணம் மட்டும் அன்றி இலங்கையில் மூன்று வகையான சதுரங்கத்தில் ரேட்டிங் கொண்டிருக்கும் ஒரே ஒரு சிறுமி இவர் அத்துடன் Rapit (15+10 sec ) சதுரங்க தரப்படுத்தலில் 1,615 புள்ளிகளுடன் உலக அளவில் 4 ஆம் இடத்தில் உள்ளார்.
இலங்கை ரீதியில் Battle of Mind இல் சாம்பியன் பட்டம், 9 வயதுக்குட்பட்ட பெண்கள் குழு போட்டியில் Board champion 2024 இல், வலய, மாவட்ட, மாகாண போட்டிகளில் முதலிடம் பெற்றமை இங்கு குறிப்பிடத்தக்கது.
இச்சிறுமி தனது வாய்ப்புக்காக காத்திருக்கின்றாள், தகுதியிருந்தும் பல காரணங்களால் வெற்றி எம்மை விட்டு தள்ளிப் போகின்றது, இச் சிறுமியும் தாய்லாந்து செல்லவும் அதற்குரிய சிறப்பு பயிற்சிகளை பெறவும் தனக்கான SPONSORSHIP னை எதிர்பார்த்து காத்திருக்கின்றமை குறிப்பிடத்தக்கது.
