கத்தார் 'ராஸ் லஃபான்' எரிவாயு மையம் மீது ஈரானிய ஏவுகணைத் தாக்குதல்: 'சவுத் பார்ஸ்' வயலை முற்றாக அழிப்போம் என ட்ரம்ப் கடும் எச்சரிக்கை!
கத்தாரின் பிரதான இயற்கை எரிவாயு மையமான 'ராஸ் லஃபான்' (Ras Laffan) மீது ஈரான் நடத்தியுள்ள ஏவுகணைத் தாக்குதல்களுக்குப் பதிலடியாக, ஈரானின் 'சவுத் பார்ஸ்' (South Pars) எரிவாயு வயலை முற்றுமுழுதாக அழிப்போம் என அமெரிக்க அதிபர் டொனால்ட் ட்ரம்ப் விடுத்துள்ள நேரடி எச்சரிக்கை சர்வதேச அரங்கில் பெரும் பதற்றத்தை ஏற்படுத்தியுள்ளது.
கத்தார் மீதான தாக்குதல்:
மத்திய கிழக்கில் நாளுக்கு நாள் தீவிரமடைந்து வரும் 'எரிசக்திப் போரின்' (Energy War) ஒரு கட்டமாக, ஈரானியப் படைகள் கத்தாரின் 'ராஸ் லஃபான்' இயற்கை எரிவாயு விநியோக மையத்தின் மீது பாரிய ஏவுகணைத் தாக்குதல்களை மேற்கொண்டுள்ளன. ஈரானின் சவுத் பார்ஸ் வயல் மீது இஸ்ரேல் மற்றும் அமெரிக்கா மேற்கொண்ட தாக்குதலுக்குப் பதிலடியாகவே ஈரான் இந்த நடவடிக்கையை முன்னெடுத்துள்ளதுடன், இதனால் குறித்த மையத்தில் பாரிய தீப்பரவல் ஏற்பட்டுள்ளதாகத் தகவல்கள் வெளியாகியுள்ளன.
ட்ரம்பின் அதிரடி அறிக்கை:
இந்தத் தாக்குதலைத் தொடர்ந்து மிகவும் காட்டமான அறிக்கையொன்றை வெளியிட்டுள்ள அமெரிக்க அதிபர் டொனால்ட் ட்ரம்ப், இஸ்ரேல் தன்னிச்சையாகவே (அமெரிக்காவின் அனுமதியின்றி) ஈரானின் சவுத் பார்ஸ் எரிவாயு வயலைத் தாக்கியதாகக் குறிப்பிட்டுள்ளார். அத்துடன், இஸ்ரேல் இனிமேல் அவ்வாறு செய்யாது எனத் தான் நம்புவதாகவும் அவர் தெரிவித்துள்ளார்.
எனினும், ஈரான் மீண்டுமொரு முறை கத்தார் அல்லது அமெரிக்காவின் நட்பு நாடுகள் மீது தாக்குதல் நடத்த முற்பட்டால், ஈரானின் பொருளாதார முதுகெலும்பாக விளங்கும் 'சவுத் பார்ஸ்' வயலை "முற்றுமுழுதாக வெடிக்கச் செய்வோம்" (Massively blow up) என அவர் பகிரங்கமாக எச்சரித்துள்ளார். உலகளாவிய எரிசக்தி விநியோகத்தின் இதயப் பகுதியான வளைகுடாவில் நிலவும் இந்த முரண்பாடு, சர்வதேசப் பொருளாதாரத்தில் ஈடுசெய்ய முடியாத பேரழிவை ஏற்படுத்தும் எனப் பொருளாதார நிபுணர்கள் அச்சம் வெளியிட்டுள்ளனர்.
#Tubetamil24X7 #Tubetamil #Qatar #RasLaffan #DonaldTrump #IranWar2026 #BreakingNewsTamil #Jaffna #WorldWar3 #TamilNewsToday
