ஈரானின் சிர்ரி தீவில் வெடிப்புகள் நிகழ்ந்துள்ளதாக ஈரானில் உள்ள அரசு சார்பு ஊடக நிறுவனம் தெரிவித்துள்ளதாக சர்வதேச ஊடகங்கள் செய்தி வெளியிட்டுள்ளன.
ஈரானின் லவான் சுத்திகரிப்பு நிலையத்தில் ஏற்பட்ட வெடிப்புச் சம்பவத்தைத் தொடர்ந்து, சற்று முன்னர், (ஈரானிய நேரப்படி காலை) ஈரானின் சிர்ரி தீவிலும் பல வெடிப்புகள் நிகழ்ந்ததாக செய்திகள் வெளியாகியுள்ளன.
உடனடி உறுதிப்படுத்தல்
இந்த வெடிப்புகளுக்கான காரணம் தெரியவில்லை என்றும் ஈரானில் உள்ள அரசு சார்பு ஊடக நிறுவனம் கூறியுள்ளது.
அறிவிக்கப்பட்ட இந்த இரண்டு சம்பவங்கள் குறித்த எந்த விவரங்களையும் உடனடியாக உறுதிப்படுத்த முடியவில்லை என பிற சர்வதேச ஊடகங்கள் சுட்டிக்காட்டியுள்ளன.
அமெரிக்க-ஈரான் போர் நிறுத்தம் அறிவிக்கப்பட்ட சில மணி நேரங்களுக்குப் பிறகு, இந்த தகவல் வெளியாகியுள்ளமை குறிப்பிடத்தக்கது.
