லேண்டர் உடைந்தாலும் தளராத இஸ்ரோ..! 
2019ஆம் ஆண்டு ஏவப்பட்ட சந்திரயான்-2 திட்டத்தின் லேண்டர் பகுதி செயலிழந்த போதிலும், அதன் ஆர்பிட்டர் தொடர்ந்து நிலவை ஆய்வு செய்து புதிய சாதனைகளை படைத்து வருகிறது.
தற்போது, நிலவின் தென் துருவத்தில் சூரிய ஒளி எப்போதும் படாத நிரந்தர நிழல் பகுதிகளின் அடிப்பகுதியில் பனிப்பாறை வடிவில் உறைந்திருக்கும் நீருக்கான வலுவான தடயங்கள் கண்டறியப்பட்டுள்ளதாக விஞ்ஞானிகள் தெரிவித்துள்ளனர்.
சந்திரயான்-2 ஆர்பிட்டர் அனுப்பிய ரேடார் தரவுகளை ஆய்வு செய்த அகமதாபாத் இயற்பியல் ஆராய்ச்சி ஆய்வக (PRL) விஞ்ஞானிகள், பல கோடி ஆண்டுகளாக உறைந்த நிலையில் இருக்கும் நீர் மூலக்கூறுகள் தொடர்பான முக்கிய ஆதாரங்களை வெளிப்படுத்தியுள்ளனர்.
லேண்டர் தோல்வியடைந்தாலும், ஆர்பிட்டரின் தொடர்ச்சியான ஆய்வுகள் இந்தியாவின் விண்வெளி ஆராய்ச்சி திறனை உலக அரங்கில் மீண்டும் நிரூபித்துள்ளன.
மனிதகுலத்தின் எதிர்கால நிலவு ஆய்வுகளுக்கும், அங்கு மனிதர்கள் குடியேறும் திட்டங்களுக்கும் இந்த கண்டுபிடிப்பு முக்கிய திருப்புமுனையாக அமையலாம்.
