மே 2: "பொருளாதாரம் மற்றும் எரிபொருள் விலையால் திணறும் மக்கள்!" 
"வியட்நாம் மற்றும் ஈராக் போர்களைப் போலவே ஈரான் போரையும் எதிர்க்கும் அமெரிக்க மக்கள்! - வாஷிங்டன் போஸ்ட் கருத்துக் கணிப்பில் வெளியான அதிர்ச்சி முடிவுகள்!"
அமெரிக்கா ஈரானுக்கு எதிராக ராணுவ பலத்தைப் பயன்படுத்தியது ஒரு தவறு என 60% அமெரிக்கர்கள் கருதுவதாக 'வாஷிங்டன் போஸ்ட்' (Washington Post/ABC News/Ipsos) நடத்திய புதிய கருத்துக் கணிப்பில் முக்கியத் தகவல்கள் வெளியாகியுள்ளன! 
இந்த ராணுவ நடவடிக்கையை 90% ஜனநாயகக் கட்சியினரும், 71% சுயேட்சைகளும், மற்றும் 19% குடியரசுக் கட்சியினரும் தவறு என வெளிப்படையாக விமர்சித்துள்ளனர்.
அமெரிக்காவிற்குச் சாதகமற்ற ஒப்பந்தமாக இருந்தாலும் பரவாயில்லை, ஈரானுடன் அமைதி உடன்படிக்கை செய்ய வேண்டும் என 48% பேர் கூறியுள்ளனர். ஆனால், ராணுவ நடவடிக்கையை மீண்டும் தொடங்கினாலும் சரி, அமெரிக்காவிற்குச் சாதகமான ஒப்பந்தமே வேண்டும் என 46% பேர் பிடிவாதம் காட்டியுள்ளனர்.
தங்களின் நிதிநிலை மோசமடைந்து வருவதாக 23% அமெரிக்கர்கள் (பிப்ரவரியில் இது 17% ஆக இருந்தது) கவலை தெரிவித்துள்ளனர். 52% பேர் தற்போதைய நிலையைத் தக்கவைத்துக் கொள்வதாகவும், 24% பேர் மட்டுமே நிதிநிலையில் முன்னேற்றம் கண்டுள்ளதாகவும் கூறியுள்ளனர்.
அதிக எரிபொருள் விலையால் 44% பேர் வாகனப் பயன்பாட்டைக் குறைத்துள்ளனர்; 42% பேர் வீட்டுச் செலவுகளைக் குறைத்துள்ளனர்; 34% பேர் தங்கள் பயணத் திட்டங்களை மாற்றியுள்ளனர். அடுத்த ஆண்டு பெட்ரோல் விலை இன்னும் மோசமாகும் என 50% பேர் அஞ்சுகின்றனர்.
"ஒருபுறம் ஈரானுடனான அரசியல் மோதல்.. மறுபுறம் பெட்ரோல் விலையேற்றத்தால் திணறும் சொந்த நாட்டு மக்கள்!" போரினால் ஏற்படும் பொருளாதாரச் சுமையை அமெரிக்க நடுத்தர மக்கள் உணரத் தொடங்கிவிட்டதை இந்த அறிக்கை தெள்ளத்தெளிவாகக் காட்டுகிறது! 
