தேசிய விருது பெற்ற நடிகர் சலீம் குமார் காலமானதாக தகவல்
மலையாள திரையுலகின் பிரபல நடிகரும், தேசிய விருது பெற்ற கலைஞருமான சலீம் குமார் (56) உடல்நலக்குறைவு காரணமாக காலமானதாக தகவல்கள் வெளியாகியுள்ளன.
திடீர் உடல்நலக்குறைவு காரணமாக கொச்சியில் உள்ள தனியார் மருத்துவமனையில் அனுமதிக்கப்பட்டிருந்த அவர், தீவிர சிகிச்சைப் பிரிவில் சிகிச்சை பெற்று வந்த நிலையில் உயிரிழந்ததாக தெரிவிக்கப்படுகிறது.
மிமிக்ரி கலைஞராக தனது கலைப்பயணத்தை தொடங்கிய சலீம் குமார், 1997 ஆம் ஆண்டு வெளியான இஷ்டமானு நூறு வட்டம் திரைப்படத்தின் மூலம் நடிகராக அறிமுகமானார்.
பின்னர் 300-க்கும் மேற்பட்ட திரைப்படங்களில் நடித்த அவர், நகைச்சுவை மற்றும் குணச்சித்திர வேடங்களில் தனித்துவமான இடத்தைப் பெற்றார்.
2010 ஆம் ஆண்டு வெளியான ஆடமின்டே மகன் அபு திரைப்படத்தில் சிறப்பான நடிப்பை வெளிப்படுத்தி, தேசிய திரைப்பட விருதில் சிறந்த நடிகருக்கான விருதை வென்றார்.
நடிகராக மட்டுமல்லாது இயக்குநர் மற்றும் கதை ஆசிரியராகவும் தனது திறமையை நிரூபித்த அவர், கேரள மாநில திரைப்பட விருதுகளையும் பலமுறை பெற்றுள்ளார்.
தமிழிலும் நேரம், நெடுஞ்சாலை, மரியான் உள்ளிட்ட திரைப்படங்களில் நடித்ததன் மூலம் தமிழ் ரசிகர்களின் மனதிலும் இடம்பிடித்தார்.
இந்திய திரையுலகில் தனித்துவமான கலைஞராக திகழ்ந்த சலீம் குமாரின் மறைவு ரசிகர்கள் மற்றும் திரையுலகினரிடையே பெரும் சோகத்தை ஏற்படுத்தியுள்ளது.
அவரின் ஆத்மா சாந்தியடைய பிரார்த்தனைகள்.
