பிரேசிலின் சாவ் ஜோஸ் டோஸ் காம்போஸ் நகரைச் சேர்ந்த ரெனாடோ பய்மா கையா மற்றும் நாயரா ராபர்ட்டா டி மரின்ஸ் ஆகிய தம்பதியினர், முத்தமிடும் போட்டியில் புதிய கின்னஸ் உலக சாதனை படைத்துள்ளனர்.
2026 பிப்ரவரி 17 அன்று நடைபெற்ற இந்த நிகழ்வில், வெறும் 30 விநாடிகளில் 195 முறை முத்தமிட்டு அவர்கள் உலக சாதனையைப் பதிவு செய்துள்ளனர்.
கின்னஸ் விதிமுறையின்படி, ஒவ்வொரு முத்தத்தின்போதும் உதடுகள் ஒன்றோடொன்று தொட்டு, பின்னர் முழுமையாகப் பிரிய வேண்டும். இந்த விதிமுறையை முறையாகப் பின்பற்றி, அவர்கள் 30 விநாடிகளில் 195 முறை முத்தமிட்டுள்ளனர்.
இதன்படி, ஒரு விநாடிக்கு சராசரியாக 6.5 முத்தங்கள் என்ற அதிவேகத்தில் இந்த சாதனை நிகழ்த்தப்பட்டுள்ளது.
இதன் மூலம், "30 விநாடிகளில் ஒரு ஜோடி அதிக முறை முத்தமிட்டது" என்ற பிரிவில் புதிய கின்னஸ் உலக சாதனை அதிகாரப்பூர்வமாக அங்கீகரிக்கப்பட்டுள்ளது.
