இரத்தினபுரி, குருவிட்ட சிறைச்சாலையில் மீண்டும் அமைதியற்ற பதற்றமான சூழ்நிலை ஏற்பட்டுள்ளதாக தெரிவிக்கப்பட்டுள்ளது.
நிலைமையைக் கட்டுப்படுத்துவதற்காக பொலிஸார் கண்ணீர்ப்புகை பிரயோகம் செய்துள்ளதாக தகவல்கள் தெரிவிக்கின்றன.
சிறைச்சாலைப் பேச்சாளர் தெரிவிக்கையில், நேற்று இரவு ஏற்பட்ட அமைதியின்மை கட்டுப்படுத்தப்பட்டிருந்த போதிலும், இன்று காலை மீண்டும் கைதிகளுக்கு இடையே பதற்றம் ஏற்பட்டுள்ளது.
மேலும், கைதிகள் குழுவொன்று சிறைச்சாலை மருத்துவமனைக்கும் சேதம் விளைவித்துள்ளதாக தெரிவிக்கப்படுகிறது.
நீதி மற்றும் தேசிய நல்லிணக்க அமைச்சர் ஹர்ஷன நானாயக்கார, குருவிட்ட சிறைச்சாலையில் அமைதியின்மை ஏற்பட்டுள்ளதை உறுதிப்படுத்தியுள்ளதுடன், நிலைமையை உடனடியாகக் கட்டுப்படுத்த தேவையான அனைத்து நடவடிக்கைகளும் மேற்கொள்ளப்பட்டு வருவதாக தெரிவித்துள்ளார்.
