இலங்கையில் நடைபெறவுள்ள ‘Miss Grand Sri Lanka 2026’ அழகுராணிப் போட்டியின் இறுதிப்போட்டிக்கான சர்வதேச நடுவர் குழுவினர் கடந்த 28ஆம் திகதி கட்டுநாயக்க விமான நிலையத்தை வந்தடைந்துள்ளனர். 
சர்வதேச நடுவர் குழுவில்:
நவாட் – Miss Grand International தலைவர் (தாய்லாந்து) தெரேசா – Miss Grand International துணைத் தலைவர்
எம்மா – Miss Grand International 2025 வெற்றியாளர் (பிலிப்பைன்ஸ்) வெனேசா – M.G.I. Old Star போட்டி வெற்றியாளர் (கொலம்பியா) சர்கம் கௌஷல் – உலக திருமதி அழகுராணிப் போட்டி வெற்றியாளர் (இந்தியா) 
இவர்கள் கடந்த 28ஆம் திகதி மாலை 4.10 மணியளவில், தாய்லாந்தின் பேங்கொக்கில் இருந்து ஸ்ரீலங்கன் எயார்லைன்ஸ் UL-405 விமானம் மூலம் கட்டுநாயக்க விமான நிலையத்தை வந்தடைந்தனர்.
அவர்களை வரவேற்பதற்காக ‘Miss Grand Sri Lanka 2026’ போட்டியின் தேசிய பணிப்பாளரும் பிரதான பயிற்றுநருமான ருக்மால் சேனாநாயக்க உள்ளிட்ட பலர் விமான நிலையத்திற்கு சென்றிருந்தனர். 
‘Miss Grand Sri Lanka 2026’ இறுதிப்போட்டி இன்று (31) கொழும்பு சினமன் லேக்சைட் ஹோட்டலில் நடைபெறவுள்ளது. இலங்கையின் புதிய அழகுராணி யார்? 
