படிக்க சென்ற இடத்தில் பறிபோன உயிர்; பெரும் துயரை ஏற்படுத்திய சம்பவம்

 துபாயில் டயர் பஞ்சர் ஆனதால் வாகனத்தை நிறுத்திய  இந்திய மாணவி விபத்தில் உயிரிழந்துள்ளார்.

துபாய் சாலையில் ஏற்பட்ட சிறிய தொழில்நுட்பக் கோளாறால் வாகனத்தை நிறுத்திய கேரளா  மாணவி ஒருவர், எதிர்பாராத சாலை விபத்தில் சிக்கி பரிதாபமாக உயிரிழந்த சம்பவம் பெரும் சோகத்தை ஏற்படுத்தியுள்ளது.

துரதிர்ஷ்டவசமான விபத்து

இந்தத் துயரச் சம்பவத்தில் உயிர் இழந்த மாணவி, துபாயில் உள்ள கனடிய பல்கலைக்கழகத்தில் (Canadian University Dubai - CUD) கட்டிடக்கலை (Architecture) இறுதியாண்டு பயின்று வந்த 21 வயது மாணவி ஆவார்

கடந்த நவம்பர் 5-ஆம் தேதி (வியாழக்கிழமை) பிற்பகல் 3:00 மணியளவில், துபாயின் அல் ரஷிதியா (Al Rashidiya) பகுதியில் உள்ள அல் கவானிஜ் (Al Khawaneej) சாலையில் இந்த துரதிர்ஷ்டவசமான விபத்து நிகழ்ந்துள்ளது.

சம்பவத்தன்று குறித்த பல்கலைக்கழக மாணவி தனது வாகனத்தில் பயணித்துக் கொண்டிருந்தபோது, எதிர்பாராத விதமாக வாகனத்தின் டயர் பஞ்சர் ஆகியுள்ளது.

 இதனையடுத்து அவர் தனது வாகனத்தைச் சாலையில் நிறுத்தியுள்ளார். சாதாரண தொழில்நுட்பக் கோளாறாகக் கருதப்பட்ட இந்தச் சூழலில், யாரும் எதிர்பாராத விதமாக நிகழ்ந்த விபத்தில் அந்த மாணவி சம்பவ இடத்திலேயே உயிரிழந்தார்.

தங்கள் மகளின் எதிர்காலத்திற்காகவும், உயர்கல்விக்காகவுமே தங்களின் முழு வாழ்க்கையையும் அர்ப்பணித்து வாழ்ந்து வந்த பெற்றோருக்கு, இந்தத் திடீர் மரணம் பேரிடியாக அமைந்துள்ளது.

ஒரே நொடியில் தங்கள் குடும்பத்தின் அனைத்து நம்பிக்கைகளையும் சிதைத்துவிட்ட இந்தத் துயரச் சம்பவம், அப்பகுதி மக்களிடையேயும் சக மாணவர்களிடையேயும் ஆழ்ந்த சோகத்தை ஏற்படுத்தியுள்ளது.